التنمية البشريةالصحة النفسيةكورسات ودورات
بداية جديدة لأنك إنسان عظيم تعرف علي أنواع البديات الجديدة وأركان الأتزان في الحياة
بداية جديدة لأنك إنسان عظيم . تعرف علي أنواع البديات الجديدة وأركان الأتزان في الحياة ؟
بداية جديدة...
مش شرط بداية جديدة تكون شغل جديد او منصب جديد او سيارة جديدة!!!
بداية جديدة ....
ممكن تكون وقفه مع النفس للتغير للأفضل ...💪
ممكن تكون تغير أفكارك من افكار سلبية الي افكار ايجابية....👀👀
ممكن تكون علاقة جديدة مع أهلك وأصحابك كلها خير ومحبة ..💙💙
ممكن تكون بداية جديدة لبناء النفس علي أسس اسلامية صحيحة..☝☝👆👆
ممكن تكون مع زوجتك من معامله بأدب واخلاق وإحترام
ممكن تكون مع زوجك بمساعدته في مصاعب الحياة
بداية جديدة ...✊✊✊
ممكن تكون مع اولادك ولم شمل الاسرة زي زمان👪
ممكن تكون بينك وبين نفسك...يعني حاسب نفسك علي ما مضي من عمرك...📖
البداية الجديدة الحقيقية هي التي تحمل لك كل خير وسعادة في الدنيا والاخرة..🔭.البداية الحقيقية هي الفرار الي الله.👆..كن مع الله..يكن معك كل شئ✋
هناك أربع أركان إتزان في الحياة لازم تهتم بيهم علشان تكون إنسان عظيم :
1- الركن الأول .
الركن الروحاني :
ممكن أسألك سؤال ...أتفضل طبعاً ..
أنت علاقتك أية بالله ؟ بحبه طبعاً .
طب الحمد لله ، يعني تصلي وتصوم وتجتنب نواهي وتلتزم بأوامرة ، وبتصلي علي الرسول ، وبتعامل الناس وماشي في كل أمور حياتك بتتقي ربنا .
بصراحة لاء ، يبقي لازم تتقي ربنا في نفسك وتقرب للمصدر اللي هو الله علشان لو قربت لله بكل شئ هيعطيك كل شئ .
2- الركن الثاني .
الركن الاجتماعي :
ممكن سؤال تاني ، أتفضل طبعاً
يا تري علاقتك أية بالناس اللي حواليك وبصحابك وبيجرانك . بيحبوك بتساعدهم بتسعي في قضاء حوائج الناس ، لو قدرت تعمل كدة ربنا هيحبب في عبادة وهيرضي عنك وهتشوف نعيم حقيقي في الدنيا والاخرة وكافية رضي الله عليك .
واللي هيكون متمثل في رضا الناس وحب الناس ليك ، ولما بتساعد الناس بتحس بسعادة كبيرة أوي ، قال رسول الله صلي الله علية وسلم (الله في عون العبد ما كان العبد في عون أخية ) صدق رسول الله صلي الله عليه وسلم
3- الركن الأسري :
كالعادة هسألك سؤال ، أتفضل يا سيدى
يا تري علاقتك أية بأهلك ،أبوك ،وأمك ،أخواتك ، زوجتك لو متزوج ، أبنائك لو ربنا رزقك . طمني الناس دي بتحبك راضية عنك ولا حياتك معاهم مشاكل وأهانه ومفيش حد بيحبك ومحدش رأضي عنك . خد بالك من الحاجة دي لازم تبدأ من جديد مع كل الناس دي لو أنت مزعلهم منك ، علشان تعيش مرتاح البال وتبقي مبسوط مع نفس ومعاهم ، ولأنك إنسان عظيم لازم تتغير للأفضل مش لازم أبوك ، وأمك تفقد حد فيهم علشان تتغير .
4- الركن الشخصي :
أخر سؤال معانا النهاردة :
يا تري أخبار شغلك أية ، أو دراستك أيه ، بتطور من نفسك وبتاخد كورسات ، بتتعلم حاجات مفيدة وجديدة في مجال تخصصك ، ولا مطنش وناسي نفسك وعشوائي في حياتك . خد بالك من النقطة دي علشان دى اللي هتخليك تشتغل في وظيفة كويسة وتعيش كويس مع زوجتك وأولادك وكل اللي حواليك .
أخيراً الاركان الاربعة دي لو قدرت تحققهم بنسبة كبيرة هتعيش مرتاح البال وهتكون واقف علي أرض صلبة .
تحياتي د/ جودة صيام خبير التنمية البشرية والارشاد الاسري وتعديل السلوك ، والباحث في الصحة النفسية .
لمشاهدة حلقة معادلات الاتزان في الحياة علي اليوتيوب أضغط هنا
ليست هناك تعليقات:
إرسال تعليق